Min huma l-membri tal-komunità tal-OiRA?
- Sħab soċjali settorjali fil-livelli tal-UE u fil-livelli nazzjonali (organizzazzjonijiet tal-impjegaturi u tal-impjegati)
- Awtoritajiet tal-UE u dawk nazzjonali (ministeri, spettorati tax-xogħol, istituti tas-sigurtà u s-saħħa fuq il-post tax-xogħol (OHS), eċċ.).
Il-membri tal-komunità jibqgħu f’kuntatt regolari mal-EU-OSHA, jiltaqgħu darba fis-sena biex jikkondividi l-informazzjoni u l-esperjenzi, u jaħdmu flimkien billi jikkondividu l-kontenut tal-għodod tal-OiRA, il-materjal promozzjonali u aktar.
Trid tkun involut fil-komunità tal-OiRA?
Il-membri kollha jimpenjaw rwieħhom biex:
- jiżviluppaw għodod tal-OiRA jew jadattaw għodod tal-OiRA eżistenti għal setturi speċifiċi jew għal leġiżlazzjoni nazzjonali
- jinvolvu l-utenti finali (impjegaturi u impjegati ta’ intrapriżi mikro u żgħar (MSEs) jew ta’ organizzazzjonijiet) biex jiżguraw li l-għodod tal-OiRA jissodisfaw il-bżonnijiet reali tal-utenti finali (speċjalment fil-fażi tal-ittestjar)
- jaġġornaw il-kontenut tal-għodod tal-OiRA fuq bażi regolari
- ixxerrdu l-għodod tal-OiRA, u sa fejn huwa possibbli, jgħinu lill-utenti finali
- jikkollaboraw mal-EU-OSHA u jagħtu feedback dwar il-ġeneratur tal-għodod, il-materjali u l-mudell ta’ diffużjoni
- jipparteċipaw fl-evalwazzjonijiet tal-proġett tal-OiRA (li se jkun iġġestit mill-EU-OSHA)
- jikkondividu l-għodod tal-OiRA li jiżviluppaw, kif ukoll l-esperjenza u l-għarfien li jiskbu matul il-proċess, ma’ membri oħra tal-komunità tal-OiRA.
Trid tkun involut fil-komunità tal-OiRA?
- Hemm qbil ġenerali li hija meħtieġa kooperazzjoni fil-livell tal-UE dwar l-iżvilupp ta’ għodod ta’ evalwazzjoni tar-riskju, speċjalment f’kuntest ta’ kriżi ekonomika u ta’ riżorsi limitati.
- Il-ġbir ta’ sforzi u ta’ riżorsi fil-livell tal-UE: Il-membri tal-komunità tal-OiRA jibnu fuq x’qed jagħmlu jew fuq x’diġà żviluppaw membri oħra.
- L-OiRA trawwem kooperazzjoni bejn il-membri u r-riċerkaturi tal-UE u dawk nazzjonali tal-komunità tal-OiRA.
- Il-proġett jibni rabtiet, isaħħaħ il-kollaborazzjonijiet u jistabbilixxi modi ġodda għall-iskambju tal-informazzjoni.
Trid tkun involut fil-komunità tal-OiRA?
Jekk int sieħeb soċjali jew istitut jew awtorità nazzjonali u trid tkun involut fl-OiRA, nistednuk biex l-ewwel taqra l-memorandum ta' qbil tal-OiRA, li jipprovdi l-bażi għall-kooperazzjoni mal-EU-OSHA (u li l-membri kollha tal-komunità tal-OiRA huma marbuta li jiffirmaw). Imbagħad, jekk interessat, jekk jogħġbok ikkuntattja lill-punt fokali nazzjonali tiegħek biex tgħidilhom b’dan.
F'dak li jirrigwarda l-politika ta’ sħubija tal-OiRA, tingħata prijorità lill-organizzazzjonijiet tal-UE u lill-Istati Membri tal-UE. Għall-organizzazzjonijiet u l-istati mhux tal-UE, l-EU-OSHA toffrilek tniżżel mingħajr ħlas il-ġeneratur tal-għodod (applikazzjoni tal-web għall-iżvilupp ta’ għodod ta’ evalwazzjoni tar-riskju).
Jekk jogħġbok qis li:
- L-użu ta’ dan is-softwer jirrikjedi għarfien ta’ Plone.
- L-EU-OSHA qed taġġorna s-softwer kontinwament.
- Il-kodiċi tas-sors tal-applikazzjoni tal-OiRA huwa offrut taħt il-Liċenzja tal-Pubbliku Ġenerali.